彡彡彡彡彡 الاسطوره 彡彡彡彡彡

alm7b · 11-Oct-2007, 10:16 AM

هاذي قصيده للشاعر المبدع / حامد زيد وانشالله تنال الاستحسان

ماتقبلـت الفـراق مـا ليـدي فيـه حيـلـه

آه لـو ان الظـروف المقبلـه تكشـف قدرهـا

لو يعرف الشخص منّا وش مع الغيب ابيجي له

كان جنبنا المشاكل مـن قبـل يوقـع ضررهـا

ما هقيت الليله اللـي جابـت الفرقـا طويلـه

لين صارت ليلة امس بعيني اطول من شهرهـا

والعذاب اللي يذوب بعين مـن يفقـد خليلـه

عندي اكبر من عذاب العين لـو تفقـد نظرهـا

والحبيب اللي صـدوده مثـل مداتـه جزيلـه

صد عني واعرفه لو صد عـن حاجـه هجرهـا

كن روحي يوم حست في جفاه وصعـب نيلـه

بشرتنـي بالضيـاع وشـدة العـزم لسفـرهـا

ما رحمها مـن هـلاك ومـا تقبّلهـا دخيلـه

تحتضر قدام عينـه ليـن ماتـت مـن قهرهـا

عاد ليت اللي ذبحها وارهب الموت بوسيلـه

ما دفـن وجـه الضحيـه والسكاكيـن بنحرهـا

ليت قلبه يـوم سـوى فعلتـه كمّـل جميلـه

لو غسلها من عروقـه وبكفـن صـدره قبرهـا

من حفر بضلوع قلبـه حفـرةٍ تكفـي قتيلـه

ليه مـا يدفـن قتيلـه بالضلـوع اللـي حفرهـا؟

اشتكيتـه للرفـوف وللبـراويـز الهزيـلـه

وانذعرت من النياح اللي سمعتـه فـي صورهـا

رحت اسولف للجبال الصم عن قصة رحيلـه

ما تركت متونهـا الا ينحـت الدمـع بصخرهـا

واحدٍ حقق جماله كذب اساطيـر الـف ليلـه

يسكن السبع البحور ويحبـس الحـور بدررهـا

الـدروب بكبرياهـا ترتجـف تحتـه ذليلـه

والورود اللـي تقبّـل خطوتـه تنبـت بأثرهـا

والغصون اليا بغاهـا تنثنـي له.تنثنـي لـه

والفياض ان حب ينثر عطرها يلمـس زهرهـا

لو يصوّت للغدير المنجـرف جفـف سبيلـه

وان تبسّـم للجبـال الصامتـه نطّـق حجرهـا

كل حاجه تستوي له. لي بغاها تستـوي لـه

بالنظر واستغفر الله لو بقـول : انـه سحرهـا

ذاك لو بس يتمنـا فاكهـة شجـرة ضليلـه

بس يفتح راحت ايـده ويتساقـط لـه ثمرهـا

كن ربـي سخـر لـه المعجـزات المستحيلـه

واصبح اسطوره وكـل الالسنـه تنقـل خبرهـا

هان محجر دمع عيني لين جفّـف سلسبيلـه

والتفـت لأخيـر دمعـه قبّلـت يـده ونثـرهـا

دمعةٍ كن بشقاهـا يـوم طاحـت فـي شليلـه

جادلٍ جـات بـدويٍ تطلـب الستـر وسترهـا

له علي انه ليا من طاح مـن عينـي تشيلـه

ولـي عليـه انـه يرجّـع لابتساماتـي ثغرهـا

لو طعوني بالسكاكيـن بيـده تشفـي غليلـه

لاشتريها مـن عذابـي وادفـع بدمـي مهرهـا

واطلبه ينهال فيني طعن ليـن يطيـح حيلـه

بس لا يترك عيونـي تنحـرم نعمـة بصرهـا

له بعيني مثل مـا للطهـر بالنفـس الاصيلـه

تقطع يدين الردا لو مس شعـره مـن شعرهـا

مابغيتـه غيـر دربٍ شتّـت اقـدام الدليلـه

مزنةٍ مـا بللتنـي واستحيـت اطلـب مطرهـا

والعطايا مـن يديـن الخلـق للطالـب قليلـه

والوهايـب مـن يـد الله للعبـاد اجـل وأرهـا

وان نسيت اني زرعت العشق وحظوظي بخيله

ما نسيت ان العطايـا تستحـق اللـي شكرهـا

صعب تلقى شخص وافي يجزي الطيب بمثيله

والعرب قد قالت ان : الناس ما تتـرك قشرهـا

وسلامتكم

المصدر: منتديات زحمة شباب ياناسو الترفيهية

彡彡彡彡彡 hghs',vi

**ابن القصيم** · 11-Oct-2007, 11:26 AM

يشرفني اخوي المحب ان اكون اول من يرد
قصيده رااااااااااائعه ودذوقك اروووووووووووووع

تقبل مروووووووووووري

**بسبوسه** · 11-Oct-2007, 01:19 PM

تســـلم أخووي علــــى القصيــــده الروووعـــــه

وتسلـــــم يــد من كتبهــــــــا..

تقبــــل مـــروري

alm7b · 11-Oct-2007, 09:28 PM

اشكركم على مروركم العطر

**ŤǾǿ ČǿǾǿŁ** · 12-Oct-2007, 02:56 AM

يسلموااا ع القصيده الرائعه
ويعطيك 1000عافيه

alm7b · 12-Oct-2007, 03:08 AM

اشكرك على مرورك العطر

**فِتْنَة** · 12-Oct-2007, 11:22 AM

اختيار رائع و كلمات متميزة
تحياتي و بانتظار جديدك

alm7b · 12-Oct-2007, 12:02 PM

اشكرك على مرورك العطر

**مِـًٌَرنيْ طٍـيفڪّღ** · 12-Oct-2007, 02:25 PM

تسلم اخوي على القصيده الرائعه والشاعر حامد دايم رووعه ويعطيك ألف عافيه
وتقبل مروري

alm7b · 12-Oct-2007, 10:33 PM

اشكرك على مرورك العطر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
البرنامج الاسطوره Map Loader	yasmina1	برامج جوال - ثيمات - خلفيات جوال - العاب جوال	3	18-Aug-2009 02:29 AM
.:. إلى كل نصراوي .:. من هو الأسطورة ؟؟؟‎ <<مع ايقاني من هو الاسطوره	صدقےالمشاعر	الارشيف	3	09-Aug-2009 09:05 PM
من نوادر جحا الاسطوره	انسانةبلامشاعر	منتدى العام	6	28-Apr-2009 09:13 PM
لعبة الاسطوره Age Of Empires III لاول مرة كامله	mowatina70	قسم تقارير والعاب الـ Ps3 والـ Xbox 360 - تحميل العاب - العاب كمبيوتر	0	14-Apr-2009 12:31 PM
نبده عن فريق الاكتلوني برشلونه	محمد بلاله	الارشيف	8	10-Apr-2009 06:07 PM

الذين يشاهدون محتوى الموضوع الآن : 1 ( الأعضاء 0 والزوار 1)

(عرض تفاصيل اكثر) الاعضاء الذين شاهدو الموضوع : 0
There are no names to display.

彡彡彡彡彡 الاسطوره 彡彡彡彡彡

هاذي قصيده للشاعر المبدع / حامد زيد وانشالله تنال الاستحسان ماتقبلـت الفـراق مـا ليـدي فيـه حيـلـه آه لـو ان الظـروف المقبلـه تكشـف قدرهـا لو يعرف