سوالفي مع شلة جحلط(عيال حارتنا)1

السلااام عليكم

اهلييين اخباركم علومكم ان شا الله بخير انا تمام واسلم عليكم

صراحة" منتدى الضحك والفرفشه ميييييت حيييل ما كان ودي احط الموضوع لهذا السبب بس قلت يله بحطه واشوف يمكن اني غلطانه وابي الردود اللي تبرد الخاطر

الهم

...اليوم ودي اسولف لكم عن مغامراتي انا واخوي سلوم وشلةالحاره ايام الطفوله..

الاشخاص اللي بالسالفه هم شلة جحلط اللي اولهم انا طبعا" بعدين اخوي سلوم هو الزعيم
وعيال الحاره كثير بس الاساسيين هم:نصور خوي سلوم الروح بالروح ورجل مواقف..ابو برطملي..مستر مفهي.عبقرينو<<مايبيلها شرح بعد ذي..

المهم
اخليكم الحين مع سالفه من السوالف
هذا الله يسلمكم ويحيكم ويبقيكم يوم كنت صغيره يعنيرابع خامس ابتدائي هه هه بين بين واخوي سلوم واخوياه سادس ابتدائي تونا صغااار سوووووفهااااء والله سوووفهاء<<لاتبررين

المهم كنا برافي الشارع كعادتنا اليوميه نسوي هواياتنا الاستكشافيه والاكشنيه ومن اهم هذه الهوايات ملاحق في ذا القطاوه وهات يا تعذيب من كثر مانعذبهم مااااتلقى في الحي قطو الا ذيله مقطوع والا اذنه مخرومه والا خشمه مكسور <<يقولك النصب على قرش اي خشم يا ام الشباب كلها فتحتين في خشتها ملصوقاتن بها شعرتين..
هذا اذا لقيتوا اساسا" قطاوه بالحي


اصلا" مجلس الحي عطونا جائزه بسبب قضاؤنا على ظاهرة القطاوه المتفشيه في جميع الاحياء..
ومن الفرحه صدقنا عمرنا و سوينا لنا شركة مقاولات ما ادري بناء والله ما ادري وش يسمونها المهم سميناها شركة جحلط المتحده بف باف للقطاوه الزاحفه والداشره

وسوينا اوراق بالكمبيوتر للدعايه والاعلان عن شركتنا الصغيره مكتوب عليها التالي:
شركة جحلط المتحده تضمن
لكم القضاء على جميع القطط في حيكم المصون ما عليكم سوا الاتصال بالرقم اعلاه<<ماكنا نعرف وش معنى ها الكلمه الزبده انهم يكتبونها وبس
وحطينا الرقم تحت


وبيرد عليكم واحد هندي لاتعطونه وجه واسألوا عن سلوم..
وحطوا اساميهم الا انا<<ذل امي ابي اكتب اسمي معيي يقول لا ماعندنا حريمن يكتبن اساميهن <<الحمد لله تخلف
طبعا" حطينا رقم راعي البقاله اللي جنبنا لان الوالد الله يطول بعمره عيا لانحط رقم البيت ...ما ادري وشلون يبونا نعتمد على ارواحنا وهم على كل كبيره وصغيره يعيون يالله خلها على الله.
.
وذيك المره جانا هندي البقاله كومار معصصصب :انتي هيه رهيلوه وين اخوكي سلوم؟؟...
هيييييييييييييييييييييييييييييييييييه اي رحيلوه يابابا رحيلوه في عينك يا مال الساحقق الماحق والمرض المتلاحق يا هندي يا وصخ يا ...الخ من ها الكلام الزين
ما سوت عليه تخرع<<يستاهل:سوري سوري مدام سوري ..قلت:
تمدمدت عظامك قول امين انا مدام يا ..قال: كلاص كلاص لايكمل كلام ايش تبيني قول حق انتي؟؟؟,,,احم احم اول مره احد يعطيها وجه قلت:قل الليدي رحيل,,,احلى شعنديي ليدي بعد..متأثره بفلم الكرتون ليدي بقوووه بعد
المهم
..قال:اوكيي سوري ليدي رحيل,, طبعا" قالها عقب ما فحط في ابو اللي جاب الكلمه..بس مدري وشلون طلعت من حنكه شييييينه ابد ما تنبلع كرهت ذا الكلمه من عقب ماقالها..
المهم سالني عن سلوم وقال:هزا كل يوم في نفر اتصل على بقااله تبين سلوم قول حق هزا قطاوه كلاص انا تعبان..انا في قول كلاص مافيه هنا احد...قلت:نعم نعم اقووول ترد عليهم وتعطيهم عمك سلوم وراسك فوق رجولك بعد ما بقى الا هي.. المهم ادبته بكم كلمه زي اللي قبلها وجا سلوم وتفاهم معه على كم قرش يسكته فيهم..
وعلى فكره اللي يبينا نجي حيهم ماعليكم سوا الاتصال على الرقم اعلاه
وترا لا تبحلوني نبي خصم نبي خصم ترا لا اعرفكم ولا تعرفوني سلوم مأكد علي ان مافيه خصم لاي كائن كان بتااااااااتن البته


الا صديقة بنت جيرانا شموه ساكنه بالحي اللي جنبنا طلبت مني اني اسويلها خصم وقلتلها اخوي سلوم معيي قالت بنت جيرانا شمووه :لالا ماعليك انتي قوليله بس ان شمه تطلبك..ايا بنت الابلسا مدري وش مسويه في اخوي.. لا وتقولها بكل دلع ماااالت على خشة ام(ن) جابتك بس..
ويوم قلت السالفه لسلوم رااح بعيد وعاش حلمه المعتاد:ااااه يا قلبي يا شمه والله لأسويلك اللي تبين لو تبين اجيبلك الاهرامات اللي بالصين واجيبلك القمر عند رجولك و...و...وما ههقيت ان البراقع تفتنني..غرز الاخ وخانه التعبير<<بس تدرون توني ادري ان سلووم يعرف يشعر ما شا الله شكلي بخليه يعطيني دروس

المهم


نرجع لسالفتنا لما كنا نلاحق في احدى الضحايا الا تدخل في بيتنا لان الباب كان مفتوح <<خبله راحت لمصيرها بيدها ...
المهم وش صار عاد بعدين اكمل بالحلقه الجايه اذا شفت تفاعل والا ببطل كتابه <<مع اني عارفه ان ودكم اكملها اليوم قبل بكره بس للتشويق لا اكثر<<تكفيين عاد لالا بيموتون لو ماكملتي
عاد هالله هالله بالردود اللي تطيب الخاطر
وعلى فكره اي كلمه مافهمتوها قولوا لي لاتستحون..
مع اني مسهله اللهجه باكثر ما استطيع من جهد..

وهالله هالله بالردود

دمتم بود

.

المصدر: منتديات زحمة شباب ياناسو الترفيهية